Wednesday, June 13, 2007

خليك فى البيت يوم 23 يوليو .. وارفع علم مصر


















هذا هو عنوان الدعوة لبروفة العصيان المدنى ، التى توصل اليها 7 من المواطنين والشباب المصريين المهمومين بأوضاع الوطن بعد حوار طويل بينهم توصلوا خلاله إلى صياغة هذه الفكرة التى سبق أن طرحتها قوى سياسية ووطنية نظريا ، لكن جاء نقلها من حيز الفكرة النظرية إلى إطار التجربة الواقعية على أيدى هؤلاء الشباب

انتشار الفكرة والدعوة لها بدأ عبر نشر حمدين صباحى – عضو مجلس الشعب ووكيل مؤسسى حزب الكرامة – لحوار طويل دار بين الشباب السبعة فى مقاله الأسبوعى بجريدة " الكرامة " التى تبنت حملة " خليك فى البيت " ، وتابعتها بنشر ردود الأفعال التى بدأت تتوالى بين تأييد ومعارضة ، وتقديم اقتراحات لتطوير وتفعيل الفكرة وانتشارها

حملة " خليك فى البيت " بدأت تلقى انتشارا ورواجا معقولا فى الأسابيع الأخيرة ، من خلال حوارات عديدة حولها واقتراحات متنوعة لإثرائها ، عبر عدد من المنتديات والمواقع والمدونات على شبكة الإنترنت .. كما بدأت تنال استحسان عدد من القوى السياسية والقيادات الوطنية

الحملة ببساطة تدعو إلى بقاء المصريين فى بيوتهم يوم 23 يوليو المقبل ، احتجاجا على حكم نظام حسنى مبارك وسعيه لتوريث ابنه جمال ، وكل ما يمثله هذا النظام من استبداد وفساد وقهر وقمع وديكتاتورية وتطبيع وبطالة وفقر ومرض .. إلخ

وأن يرفع المصريون علم مصر على شبابيك أو فى بلكونات منازلهم توكيدا على انتمائهم لهذا البلد وتمسكهم بالدفاع عنه وأن البلد بلدنا وليست بلد عصابة الحكم

فكرة البقاء الاحتجاجى فى المنازل بشكل جماعى كشكل أقرب إلى الاضراب العام هى جزء من أشكال العصيان المدنى السلمى ، وهو صار السبيل الوحيد لمصر وشعبها للخروج من نفق حكم مبارك المظلم .. فلا الأحزاب السياسية المعارضة نجحت فى توسيع الهامش الديمقراطى لتفرض الديمقراطية شروطها ، و ليصبح هناك أمل فى ان يختار الشعب حكامه

ونوابه وممثليه على كل المستويات عبر انتخابات نزيهة تتضاءل فرص تحققها فى ظل التطور من تقفيل الصناديق إلى إلغاء الاشراف القضائى إلى البلطجة والتزوير العلنى والرشاوى الانتخابية

ولا المظاهرات الاحتجاجية التى قادتها حركة كفاية والقوى السياسية والوطنية نجحت فى الضغط على النظام بل قوبلت بالقمع والسحل والاعتقالات والحصار الأمنى .. ولا وجود لقوى اصلاحية داخل النظام الحاكم للرهان عليها فمن يسمونهم " اصلاحيون " داخل الحزب الحاكم هم أنفسهم قادة عملية " التوريث " لجمال مبارك والمستفيدين منه

باختصار لم يعد أمام المصريون من سبيل سوى أن يتقدموا بأنفسهم للتصدى لهذا النظام الذى تسبب فى كل الجرائم والكوارث التى يعانى منها الوطن والشعب ، بدءا من تراجع دور مصر عربيا ودوليا من قائد للأمة العربية إلى سمسار عقد صفقات تطبيع مع الكيان الصهيونى وتبعية لأمريكا ، مرورا بكل الممارسات الديكتاتورية والاستبدادية سياسيا واقتصاديا واجتماعيا ، وليس انتهاءا بكل ما يعانيه الشعب المصرى من ظلم وتعذيب وفقر ومرض وبطالة وانتهاكات يومية

الأمل الوحيد الآن أن يبدع الناس أنفسهم أسلوبا جديدا يناسب واقعهم وظروفهم للتعبير عن موقفهم من هذا النظام وإجباره على الرحيل ، ولعل فكرة البقاء الاحتجاجى فى المنازل كأحد أساليب العصيان المدنى تكون البداية .. تبقى نقطة قد تبدو مثيرة للدهشة وربما السخرية لى البعض ، وهى أن 23 يوليو الذى ندعو الناس للبقاء فى بيوتهم خلاله هو يوم إجازة رسمية بالفعل ، والطبيعى أن يبقى الناس فى منازلهم فى الاجازة ، لكن الموعد مقصود تماما ، فهو من حيث كونه يوم إجازة يمثل ضمانا لإلتزام المقتنعين بالفكرة بتنفيذها ، وتسهيلا عليهم بعدم وجود أى عوائق أو التزامات من نوع العمل أو الدراسة أو الارتباطات بأى مصالح عامة أو خاصة فى هذا اليوم .. فلا مبرر للخروج من البيت لدى أى ممن سيقتنع بهذه الفكرة .. ومن جانب آخر فهذا اليوم ذاته هو يوم ذكرى ثورة يوليو – اتفقنا او اختلفنا معها – وهو يوم مناسب من حيث المغزى أيضا ، فاذا كان 23 يوليو 1952 شهد ثورة " الضباط الأحرار " فنحن نريد لـ 23 يوليو 2007 أن يكون بداية ثورة " الناس الأحرار "

إذا كنت ممن يرفضون بقاء نظام مبارك وتوريث ابنه جمال .. خليك فى البيت وارفع علم مصر

إذا كنت من المعارضين للصلح والتطبيع مع العدو الصهيونى وبيع القضية الفلسطينية .. خليك فى البيت وارفع علم مصر ..إذا كنت من الرافضين للإرتماء فى أحضان أمريكا والتبعية لها وتأييد غزو العراق .. خليك فى البيت وارفع علم مصر

..إذا كنت ممن يشعرون بالمرارة والمهانة والذل يوميا فى وسائل المواصلات وطوابير العيش وأقسام الشرطة وغيرها .. خليك فى البيت وارفع علم مصر

إذا كنت ممن يعانون أو يعانى أبنائهم من البطالة .. خليك فى البيت وارفع علم مصر

إذا كنت من الرافضين لاستبداد نظام مبارك واحتكار الحزب الوطنى للسلطة والحياة السياسية .. خليك فى البيت وارفع علم مصر

إذا كنت ضد تزوير الانتخابات وفرض حكام وممثلى الشعب بالبلطجة والإرهاب وتقفيل الصناديق .. خليك فى البيت وارفع علم مصر

إذا كنت من الرافضين لتحول حكومة مصر إلى حكومة بيزنس ورجال أعمال زأصدقاء مبارك وابنه .. خليك فى البيت وارفع علم مصر

إذا كنت ضد الخصخصة ونهب ثروات البلاد وبيع القطاع العام وتشريد العمال .. خليك فى البيت وارفع علم مصر

إذا كنت ضد استئثار قلة بثروات البلاد وتجويع وافقار الشعب المصرى .. خليك فى البيت وارفع علم مصر

إذا كنت ضد تدهور مستوى التعليم وتخريج أجيال جديدة أمية جاهلة .. خليك فى البيت وارفع علم مصر

إذا كنت ضد إنحدار الأخلاق وتشويه القيم والنفاق الذى يقدمه الإعلام المصرى يوميا .. خليك فى البيت وارفع علم مصر

إذا كنت قلقا على أبنائك وساعيا لمستقبل أفضل لهم .. خليك فى البيت وارفع علم مصر

إذا كنت تريد الدفاع عن حقوقك وحقوق أسرتك وأبنائك وأهلك .. خليك فى البيت وارفع علم مصر

إذا كنت تحب مصر وتنتمى حفا لها .. خليك فى البيت وارفع علم مصر

إذا كنت – حتى – تسعى لقاء يوم إجازة تنسى فيه هموم الحياة اليومية وقضاء وقت سعيد مع زوجتك وأبنائك وأسرتك .. خليك فى البيت وارفع علم مصر

ساهم معنا فى الدعوة لحملة " خليك فى البيت يوم 23 يوليو .. وارفع علم مصر "

انشر الدعوة مكتوبة أو شفهية لكل أهلك وأصدقائك وزملائك ومعارفك

انشر الدعوة عبر مراسلة الصحف والمواقع الإلكترونية والمنتديات والمدونات والمجموعات البريدية والقنوات الفضائية وكافة وسائل الإعلام

انشر الدعوة بعمل استفتاءات واستطلاعات رأى بين الناس

انشر الدعوة بابداع تصميمات للحملة وشعارات مكتوبة وأبيات شعر وقصائد تروج للحملة

انشر الدعوة بتشكيل لجنة فى الشارع أو الحى أو المنطقة أو القرية أو المدينة التى تقيم فيها لتبنى الحملة والإعداد لها

انشر الدعوة بتوزيع علم مصر ولصق بوسترات الحملة فى كل مكان

انشر الدعوة بتقديم أفكار ومقترحات جديدة عبر التواصل معنا من خلال

جريدة " الكرامة " : 9 شارع عماد الدين – القاهرة

al_karamah@hotmail.com

www.al-karama.com

karama@al-karama.com

حزب الكرامة : 2 شارع أمين سامى – المنيرة – القاهرة

www.elkarama.net

منتديات الكرامة

www.elkarama.net/egypt

84 comments:

Abd El Rahman Magdy said...

الفكرة رائعة جدا ومبتكرة
أحييكم عليها
لكن في نقطة
بما إن يوم 23 يوليو أجازة أصلا فيا ريت نقدر نستغل ده ونوصل الفكرة لجميع طبقات الشعب عشان ما تكونش مقتصرة على الطبقة اللي تعتبر طبقة المثقفين
يعني بمعنى أصح لازم نستغل حالة الغليان اللي انتشرت بشكل كبير بين طائفة زي طائفة العمال ونحاول نوصلهم الفكرة دي وأعتقد إنها ممكن تنال قبول عند قطاع كبير جدا من الناس
أحييكم مرة تانية على الفكرة دي

خليك فى البيت said...

عبوووود
سعدنا بمرورك وكلامك وسعدنا بأعجابك للفكرة
وفعلا كلامك صح وياريت تقدر تنشر الفكرة وتعرف كل الناس بالمدونة دى علشان الفكرة تنجح

شباب روش طحن said...

فكرة جيدة أتمني أن تأتي بثمارها

خليك فى البيت said...

شباب روش طحن

أن شاء الله تأتى بثمار جيدة
بس المهم نشر الفكرة قدر الأمكان

ibn nasser - ابن ناصر said...

انا ممكن تزودني من المدونات التي تؤيد الفكره
اضع الشعار في مدنتي الاصليه ابن ناصر
http://ibnasser.blogspot.cm
وكاتب شعر وبوست مخصوص لخليك في البيت علي مدوتي الاخره ثائر
http://tha2er.blogspt.com

تحياتي

ibn nasser - ابن ناصر said...

تعديل اللينكات
http://ibnasser.blogspot.com
http://tha2er.blogspot.com

Anonymous said...

ابناء مصر بنحب. هنقدر. هنغير
http://abna2masr.blogspot.com/

خليك فى البيت said...

ابن ناصر

اكيد طبعا هضيف اللينك وياريت فعلا تنشروا الحملة لكل اللى تعرفوهم

خليك فى البيت said...

fares

مرحبا بك معنا ونتمنى نشر الفكرة قدر الأمكان

Anonymous said...

جميل
بس مش ملاحظين وجود مفارقة ساخرة من
"الى متى سنظل هكذا نسير بجوار الحائط"
و بعدين نروح نخلينا فى البيت
!!!!!!!!!!!!!!

خليك فى البيت said...

أحمد مختار عاشور

هي فعلا مفارقة ساخرة بس أيه رأيك مش حلوة
ياريت تنشر الفكرة قدر الأمكان
وسعدنا بزيارتك

ابو العربى said...

يشرفنى ان اكون عضو حزب الكرامه
ويشرفنى ايضا محاولاتكم الجاده للتغيير ولكن انا عن نفسى لا يمكننى الجلوس فى البيت فانتم على درايه بمصاعب الحياه وانى ارى انه من الصعب ان تقنع الشعب المصرى يوم اجازة ان يستقر فى المنزل فهو يحلم بيوم الاجازة لكى يمتع اسرته برؤيته واسعادهم به ورغبه فى ان ينسى متاعب العمل ستمنعه من الجلوس فى البيت ولكن انا سانشر الفكره وساضع الشعار فى مدونتى محاوله منى لتحريك الحس الوطنى وامل التغيير السلمى
تحياتى

خليك فى البيت said...

ضد الظلم
طبعا حضرتك غنى عن التعريف
ولو حضرتك مش هتقدر تشارك و تقعد فى البيت ممكن تشارك بنشر الحملة لكل الناس اللى تعرفهم

kaed said...

حاضر حخلينى فى البيت و حرفع علم مصر وعشانا عليك يارب
واللة الواحد جرب حاجات كتير و منفعتش يمكن تصيب المرة دى

Mustafa Şenalp said...

ÇOK GÜZEL SİTENİZ VAR.

خليك فى البيت said...

kaed

أن شاء الله هتصيب ونرجو منك نشر الفكرة قدر الأمكان

خليك فى البيت said...

mustafa senalp

على فكرة أنا مش فاهمة معنى كلامك ياريت لو تقدر تترجمه للعربى تعمل كده أو حتى للأنجليزى
تحياتى

awres said...

ان شاء الله تتوسع الفكرة و تنال تقبل كبير و تنجح في تفاعل الكثير
تحياتي

david santos said...

Thanks for you work and have a good week

bastokka طهقانة said...

لا مش حقدر
سامحني

bastokka طهقانة said...

لا مش حقدر
سامحني

يوغرطة said...

أصدقائي كنت سعيدا جدا بدعوتكم
لكني آسف لأني لا أستطيع المشاركة وحملتكم ببساطة لأني لست مواطن مصري
لكني حقا متضامن مع اي حملة في الوطن العربي تهدف إلى التغيير و الإصلاح
و مهما ابتعدت المسافات فالخال واحد
على الأقل سأشارك يوم 23 يوليو بمقال عن حملتكم أهدف من خلاله إلى تشجيع حركة المجتمع المدني لما فيه من خير لأوطننا ... ولتكن حملتكم نموذجا
تقبلوا تحياتي و بالتوفيق

Monzer said...

فعلا فكرة جميل جدا ومهمة جدا
بس لو على شبا التدوين فجمي قوى
بس برده يرياريت من تحركات على مستوى الشارع
لازم الوعى الى أصبح فيه شباب التدوين يوصل كمان للشارع
شوف كده لو عندك أفكار انا مستعد لمشارؤكة وفيه كتير أوى متحمسين للفكرة

خليك فى البيت said...

awres

ان شاء الله وياريت تنشر الفكرة

خليك فى البيت said...

david santos

شكرا على كلامك وزيارتك وتمنياتى بقضاء وقت ممتع

خليك فى البيت said...

طهقانة

ولا يهمك بس ياريت تنشرى الفكرة على قد ما تقدرى

خليك فى البيت said...

بوغرطة

أحنا متشكرين جدا على تضامنك معنا وعلى تعاونك فى نشر الفكرة

خليك فى البيت said...

hapasa

بجد احنا سعداء بحماسك لمساعدتنا وأكيد أحنا عايزين ناس تنشر الفكر وتساعدنا والفكرة مش بس منتشرة فى المدونات دى منتشرة فى أماكن كتير وأنا نقلتها من منتدى الكرامة لهنا علشان أنشرها للمدونين وكمان الفكرة محتاجة تتوسع فى الشارع كمان ويسعدنا أنك تساعدنا
ولو فعلا تقدر تساعد أبعت لنا على الأيميل ده
rohbosbos@gmail.com
علشان نقدر ننسق معاك أكتر

قنديل said...

الله أكبر..
كده بدأنا بجد طريق الحرية..
حتي لو المحاولة لقدر الله فشلت فهي بداية جيدة

خليك فى البيت said...

قنديل

فعلا لو المحاولة ما نجحتش أدينا حاولنا
وهنحاول تانى وثالث لحد ما تنجح
شكرا على زيارتك وياريت تنشر الفكرة

Arabs in Space said...

تهاني القلبية على الموقع ، واتوقع له الازدهار.

تحياتي
MHJ
من
العرب في الفضاء


قد يهمكم الاطلاع الموضوع التالي:

آيفكس – أنباء من الشبكة الدولية لتبادل المعلومات حول حرية التعبير


21 يونيو / حزيران 2007
القاهرة - مصر

** دليل جديد للمدونين والصحافة الإليكترونية **

** الشبكة العربية لمعلومات حقوق الإنسان – HRInfo **


رحبت اليوم الشبكة العربية لمعلومات حقوق الإنسان بصدور دليل جديد عن الصحافة الشعبية على الانترنت ، أعده الصحفي والمدرب الإعلامي "ستيفن فرنكلين" وهو دليل مختصر وبسيط يهدف إلى مساعدة المدونين المبتدئين الراغبين في العمل كصحفيين شعبيين على الانترنت.

والدليل الذي يقع في نحو عشرة صفحات يحمل عنوان "عشر خطوات نحو الصحافة الشعبية على الانترنت " تم إعداده ليتضمن نصائح وتعريف بالصحافة الشعبية وحقوق المدونين بشكل مبسط ونظري ، وينشر اليوم باللغة العربية لمساعدة المدونين العرب الراغبين في العمل كصحفيين على الانترنت ، وينوي فرنكلين ترجمته إلى لغات أخرى مثل الاسبانية والفارسية ليستفيد منه المدونين في تلك البلدان.

وفضلا عن نشر هذا الدليل اليوم على موقع المبادرة العربية لإنترنت حر التابع للشبكة العربية لمعلومات حقوق الإنسان ، فقد تم طباعته على اسطوانة مدمجة ( CD) بالإضافة إلى بعض الموضوعات التي تكمل دور هذا الدليل والتي أعدها مدونون عرب ومنظمة مراسلون بلا حدود " مع ذكر المصادر والإشارة إليها" ليجد المستخدم عددا من الموضوعات التي تبدأ بكيفية إنشاء مدونة وكيفية الحفاظ على الهوية وتأمين البريد الإليكتروني ، فضلا عن نصائح تقنية تفيد المستخدم المبتدئ.

للإطلاع على نسخة الدليل :
http://www.openarab.net/faq/2007/icfj.shtml

لمراسلة ستيفن فرنكلين ، معد الدليل:
Istifan66@sbcglobal.net


لمزيد من المعلومات برجاء الاتصال ب:
جمال عيد
المدير التنفيذي
الشبكة العربية لمعلومات حقوق الإنسان
شارع 105 ميدان الحرية - المعادي - القاهرة - مصر
ت / فاكس : 5249544
إيميل : info@hrinfo.net
: gamal4eid@yahoo.com
الموقع: www.hrinfo.org

تم إرسال هذا البيان بمعرفة مركز استلام وتوزيع تنبيهات وبيانات الشبكة الدولية لتبادل المعلومات حول حرية التعبير

555 شارع ريتشموند غرب, رقم 1101
صندوق بريد 407
تورونتو, كندا

هاتف رقم :+1 416 515 9622 فاكس رقم : +1 416 515 7879
بريد عام ifex@ifex.org
بريد برناكج الشرق الأوسط و شمال افريقيا (مينا) mena@ifex.org
زوروا موقعنا http://www.ifex.org و للعربية زوروا http://hrinfo.net/ifex/
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الربان said...

تحياتي

اسمحوا لي ان ابدي وجهة نظر...
1ـ رفع علم مصر في الشوارع و الحواري و الازقة...و في كل مكان...عمل حضاري و يجب ان نسهم فيه جميعا..و نعمق فكرة الانتماء و الولاء للوطن.

2ـ فكرة العصيان ، في رأيي ، غير مطلوبة و لا مرغوبه، علي الاقل حاليا، المنطقة بأكملها علي شفا جرف هار ..

3ـ كلنا نتغني بحب مصر ، و كلنا بننتقد المسؤولين من صغارهم الي كبارهم،
هيا بنا نري ماذا قدمنا نحن كشباب و محبين لمصر...لا شيء ، نعم لا شيء سوي انتقادات ..و شعارات براقة رنانة في عشق مصر و الحرية ....

4ـ لم نقم بعمل إيجابي في حب مصر...معظمنا الان في إجازة صيفية
و الملل مسيطر علي الاجازة الا القليل منا...لماذا لا نحاول تكوين مجموعة محبي مصر... تعمل بالتنسيق مع المحافظات علي العمل لتجميل المدن...
لماذا لا نعمل علي زيارة المستشفيات
و تقديم العون النفسي و المعنوي للمرضي...

العصيان تقدم للخلف في زمن لا ينفع فيه الا التقدم للامام.

تحياتي و تقديري

سارة said...

عملتوا مدونة كمان
طيب والله مجهود هايل
بالتوفيق ان شاء الله

ياريت كمان تقولوا للناس ممكن نعمل ايه

خليك فى البيت said...

arabs in space

شكرا لك على موضوعك المهم جدا بالنسبة لكل المدونين
تحياتى لكم

خليك فى البيت said...

الربان

كل اللى حضرتك قلته كويس وجميل جدا وياريت فعلا كل الناس تشارك فيه
وفكرة العصيان من وجهة نظرى ولو حضرتك شفت أنها بروفة بمعنى أننا هنقيس مدى أجتماع الناس كلها على فكرة واحدة ومدى نجاحها لأن نجاحها هايخلينا نعمل خطوة أكبر من كده بكتير
تحياتى لك

خليك فى البيت said...

sara

أكيد هنوضح أكتر للناس كل حاجة
تحياتى لكى

adhm said...

عُلم وجارى التنفيذ
بس
ربنا
يستر

ابن فطومة said...

هي فكرة رائعة. بس حد فكر في نشر الفكرة على نطاق أوسع؟ مهما كان الفئة اللي بتستخدم الانترنت محدودة. إيه مدى إمكانية لصق بوسترات أو تورزيع منشورات في الشارع؟

خليك فى البيت said...

adhm

سعداء جدا بزيارتك وياريت تنشر الفكرة قدر الأمكان

خليك فى البيت said...

ابن فطومة

فعلا كلامك صح واللى أعرفه أنه فيه ناس هاتعمل اللى أنت بتقوله ولما هعرف باقى التفاصيل هعرفكم أكيد
وياريت تنشر الفكرة قدر الأمكان

Anonymous said...

شكرا يابسمة أولا على مجهودك ومساهمتك فى الحملة
أرغب فى الرد على كل الاستفسارات والتعليقات التى وردت على المدونة فهل تسمحى لى
أولا اختيارنا ليوم 23 يوليو سببه أنه يوم عطلة رسمية لتجربة القيام ببروفة تمرد جماعى بدون أى صدامات مع أمن النظام ، وعندما تنجح المحاولة (بروفة العصيان) سيليها اعتصام يوم عمل ثم اعتصام فى الشوارع والميادين
أى أننا لانبحث عن حائط نسير بجواره بل نمد الأيادى لنلتقى بأيادى أخواننا الذين يعانواالظلم صامتين

ثانيا عن نشرالفكرة على النت ، فنحن نسعى إلى ذلك ونطلب من كل من يتحمس للفكرة أن يقوم بدور فى محيطه لنشرهاعن طريق أصدقاؤه .. فنحن لسنا أصحاب الفكرة ولكننا تبنيناها عندما وجدناها دعوة هدفها نبيل تسعى لعمل ايجابى من أجل أنفسنا وأولادنا ومستقبل بلدنا

هانقدر نتغير .. ونغير ، إذا كانت ايدينا فى ايدين بعض
اذا تحركنا كلنا فى نفس الوقت وبنفس الحماس نفس الخطوة .. مش بس هانقدر ، وهاننجح كمان

همسة فى أذن ضد الظلم : كلنا بنحلم بيوم الأجازة لنتمتع به ، وبمصرنا حرة وعادت لنا
الأجازات كتير .. انما بروفة العصيان يوم واحد منهم
وهانتحمله من ضيق وزهق للبقاء فى البيت يوم واحد لنوصل رسالة
للنظام بأننا يدا واحدة (ضد الظلم)0
كان نفسى ياطهقانة تكونى معانا لأننا كلنا طهقانين
يابن فطومة هانطبع بوسترات وهاتلاقيها فى الشوارع ، بس ممكن أنت كمان ترسل ايميلات لكل أصحابك
ممكن كلكم تبعتوا ميلات لأصحابكم وهم لأصحابهم .. لغاية لما صوتنا يوصل لكل مصر
عبود ، شباب روش طحن ، ابن ناصر ، فارس ، أحمد عاشور ، قائد وكل من شارك برأى ، أحييكم على ايجابيتكم البناءة ، ودعواتنا كلنا أن تأتى الحملة بثمارها وتكون خطوة فى طريق التغيير السلمى

هدى عبد الباسط

خليك فى البيت said...

أستاذه هدى مرحبا بك
وطبعا أوافق على تعاونك معى هنا فى الرد على كل الأستفسارات ولكى جزيل الشكر على هذا التعاون
وأتمنى أن تشرفينى هنا دائما لكى نوصل الفكرة أكثر وأكثر
تحياتى لكى

Anonymous said...

ماشى يا عم الكتكوت
بس بالمرة بقى خلى الحزب بتاعك يدفع أجور العمال اللى شغالين باليومية حتى فى يوم الأجازة مطحونين لما يرفعوا راية العصيان المدنى
يا شيخ اتلهى جتكوا خيبة
كل اللى انتم فالحين فيه الاضراب والمظاهرات والعصيان ده يعنى على اعتبار انكم ملايكة ومش بتغلطوا
من كان منكم بلا خطيئة فليرمها بحجر
جتكوا القرف مليتوا البلد
على فكرة انا مش هاقعد فى البيت لأنى لو قعدت هيتخصم منى فلوس لأنى عندى شغل فى يوم الأجازة
يا ترى انتم بقى هتأكلوا عيالى بدالى ولا هتدونى مكافأة العصيان المدنى
ارحمونا يرحمكم الله

Anonymous said...

Anonymous
الدعوة دى للى يقدر يقعد فى البيت يوم الأجازة لكن طبعا اللى عنده شغل كفاية يرفع العلم
وبعدين الحقيقة العمال هم أكثر من شجعنا على تلك الخطوة لأنهم أول من اعتصم وأضرب عن الطعام لنيل حقوقهم . وياريت نكون بجد ملينا مصر ، كده يبقى مصر قربت تتغير
واذا انت شايف أنك سعيد وأخدت كل حقوقك من علاج لتعليم لبيت تتجوز فيه لمستقبل لك ولأولادك ضامنه وأكلة هنية من غير مبيدات ومرتبك مكفيك .. يبقى خلاص بلاش تشترك فى أى دعوة للعصيان المدنى لأن الدعوة دى موجهة للشعب المطحون اللى احنا منه
لما الواحد بيختار السلبية والاستسلام وكمان يكون راضى .. بلاش يرمينا احنا بحجر
تحياتى لك
هدى

Anonymous said...

الأستاذه الفاضله بسمه أحييك من قلبي على هذا المجهود الرائع وعلى حماسك المحمود ودورك في نشر الفكره من خلال هذه المدونه وأستطيع ان أضيف سبب واحد لكل من يتردد في المشاركه في هذا العصيان التجريبي 00
كلنا متفقين أن فيه الظلم والظلم فاق المدى وأننا خلاص قربنا نتجنن ونكلم نفسنا من الى بيحصل لينا في بلدنا أظن لحد كدا الكل متفق طيب00
مستخصر تاخد موقف ولو حتى بسيط بأنك تقعد في بيتك يوم وتوصل رسالتك الى كل من ظلمك00
طيب000
لما أولادك يكبروا ويلاقوا وضعهم أسوأ الف مره من الوضع الحالى ويسألوك يابابا كان ايه دورك عملت عشنا أيه؟؟
هتقول أيـــــــــه
بلاش أولادك لما تقف قدام ربنا ويسألك عملت أيه عشان تغير المنكر والى بيحصل فينا دلوقتي اكبر منكر هتقوله أيـــــه؟؟
طيب00
ميمكن لو قعدت في بيتك يوم وهو يوم أجازه أصلا مش ممكن على الأقل تقدر تجاوب أولادك وتكون أخذت ولو خطوه بسيطه في تغيير المنكر الحالى تنقذك قدام ربنا00
وعلى الأقل بينك وبين نفسك تقدر تحترم نفسك وتحس انك كان ليك وقفه وموقف من الى بيحصل ليك....


تحياتي دمتم على خير00
دكتور/محمد عبدالله المكاوي

أشرف حمدي said...

هههههههههههه
أقعد في البيت يوم 23 يوليو ؟
طل ما أنا كده كده قاعد .. مش ده أجازة رسمية يا جدعان
؟؟؟؟؟؟؟؟؟؟؟؟؟؟؟؟؟؟؟؟
فكرة عبيطة معلش اسمحولي
مالقيتوش الا يوم اجازة وتقولوا عصيان مدني
؟ هو فين العصيان ده ؟

خليك فى البيت said...

anonymous

طبعا الأستاذه هدى مشكورة قامت بالرد على حضرتك وأنا كنت عايزة أضيف حاجة وهيا أن مش حزب الكرامة بس اللى متبنى الفكرة
الفكرة مش فكرة حزب الفكرة فكرة مجموعة شباب والحزب تباناها وفيه أحزاب كتير تبنت الفكرة بمعنى أن ناس كتير فى مصر ومع أختلاف أحزابهم وتوجاتهم متبنين الفكرة
أتمنى أن الفكرة تكون وصلت لحضرتك ولو فيه أى أستفسار ياريت تقوله
تحياتى لك

خليك فى البيت said...

دكتور محمد المكاوى

أشكرك على مساعدتك هذه وأيضاح الكثير من الأمور
تحياتى لك

خليك فى البيت said...

أشرف حمدى

أولا مرحبا بك
ثانيا الموضوع أسمه بروفة العصيان المدنى والجملة دى لها معنى كبير ومعناها أننا بنعمل بروفة وبنقيس مدى أجتماع الناس على فكرة ومدى نجاحها وعندما تنجح سوف يلى هذا العصيان العديد من ألأمور المشابهة وفى أيام عادية
تحياتى لك

Anonymous said...

العزيزة بسمة ..
العزيزة هدى ..
الزملاء الاعزاء الذين تفاعلوا مع حملة " خليك فى البيت"

خالص التحية لمجهودكم العظيم فى نشر الفكرة والدعوة للمشاركة فى الحملة ..
وطبعا منطقى جدا ان ناس تتفق مع الفكرة وناس تختلف معاها .. لكن المؤكد أن كلنا هدفنا واحد .. وان كلنا لو لقينا اى خطوة جادة تمثل ادنى امل فى تغيير هذا النظام .. هنوافق عليها فورا ونبدأ ننفذها طالما فى امكاننا ..
وحتى الآن ، فكرة "خليك فى البيت" هى أفضل فكرة طرحت بأقل تكلفة أو تضحية ممكنة .. ومحدش جربها قبل كده فى مصر عشان نحكم عليها مسبقا ونقول ناجحة او فاشلة .. يبقى ليه منجربهاش ..
المؤكد أن مصر اذا نجحت الدعوة لحملتنا وشارك فيها الاف المصريين ، ستشهد 23 يوليو مختلف .. ستشهد يوم 23 يوليو حقيقى هو الأقرب طوال الـ55 عام الماضية الى يوم 23 يوليو 52 ..
لا يمكن لأحدنا أن يدعى ان هذا اليوم سيكون نهاية نظام مبارك .. لكن لو نجحنا جميعا فى التوحد على موقف واحد بسيط مثل تنفيذ فكرة خليك فى البيت ورفع علم مصر .. فالمؤكد أن تلك ستكون بداية النهاية ..

خالص تحياتى لجهودكم .. واتمنى ان يزداد نشاطنا فى الايام القليلة المتبقية ..

تحياتى

حسام مؤنس

كرم مسلم said...

السلام عليكم
انا هنا مش بعلق على الفكرة
انا انبه الأخوة والأخوات الى شى ربما يعرفه الكثير ولكننا نريد أن نتناساه
وهو قول الله عز وجل
"أن الله لايغير ما بقوم حتى يغيرو ما بأنفسهم"
فنحن مهما قدمنا من اقتراحات ونحن بعدين عن كتاب الله عز وجل وعن هدى المصطفى صلى الله عليه وسلم فلن تكون هناك نتيجة وسيستمر الأمر على ما هو عليه أن لم يتحول الى الأسؤ

ولكن أن اقتربنا الى كتاب ربنا وهدى المصطفى صلى الله عليه وسلم وحولنا اسلامنا الى منهج عملى على أرض الواقع عندها نكون أهلا لأن يغير الله الحال ألى أفضل حال
أسال الله أن يهدى الجميع ويغير الحال ألى خير حال اللهم امين

وأذكر بقول الله عز وجل

"وعد الله الذين آمنوا منكم وعملوا الصالحات ليستخلفنهم في الأرض كما استخلف الذين من قبلهم وليمكنن لهم دينهم الذي أرتضى لهم وليبدلنهم من بعد خوفهم أمنا يعبدونني لا يشركون بي شيئا ومن كفر بعد ذلك فأولئك هم الفاسقون"
هل قرأتم آمنوا ثم عملوا الصالحات ويعبدوننى لا يشركون بى شيئا

اسال الله أن نعى الدرس جيدا

وأسال الله لك أخى الكريم صاحب مدونة خليك فى البيت أو اختنا الفاضلة التوفيق والسداد
معذرة على الأطالة
والسلام عليكم ورحمة الله وبركاته

خليك فى البيت said...

حسام مؤنس

الأخ العزيز جدا كم كانت سعادتى كبيرة عندما وجدت مشاركتك هنا وأشكرك على وجودك الذى يعنى لى الكثير
وأشكرك على أيضاحك للفكرة وأتمنى وجودك هنا دائما
تقبل خالص تحياتى

كرم مسلم said...

السلام عليكم

خليك فى البيت

كنت أحب أن أرى رأيك فى كلامى ولكنى منذ 3 أيام لم أرى تعليقك مع أنى رأيت لك كلاما بعد كلامى تعليقا على الاستاذ حسام مؤنس

أحب أن أرى رأيك فى كلامى

خليك فى البيت said...

كرم مسلم

السلام عليكم
وأعتذر بشدة عن تأخرى فى الرد على تعليقك الذى كنت أنوى كتابتة بعد ردى على حسام مؤنس ولكن لظروف خارجة عن أرادتى لم أستطع الرد أرجو أن تتقبل أعتذارى
أولا أود أن اسألك سؤال هل ترى فى فكرتنا هذه أى مخالفة للدين أو السنه أو لعقيدتنا
بالطبع لا أنا لا أرى أى مخالفة فيها لعقيدتنا أو لديننا لأن الدين أمرنا بأن نطالب بحقوقنا ولا نتركها وأن نتحرك ولا نقف مكتوفى الأيدى ونقول أن الله سوف يأخذ لنا حقنا
نحن كلنا على علم بأمور ديننا الواضحة أمامنا كلنا
وأريد أن أذكرك بحديث رسول الله صلى الله عليه وسلم ( من رأى منكم منكرافليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) 0
وأنت بالطبع ترى كل شىء يحدث حولنا من ضياع حقوقنا الى المهانة والذل والفقر والبطالة وغيرها وغيرها من الأمور التى نعيشها ومن سنين نتمنى أنتهائها
وأكيد كلنا نعلم أننا فعلنا أشياء كثيرة مثل المظاهرات والأعتصامات وغيرها وغيرها من الأشياء التى كثيرا ما تضر بالذين يقومون بها من ناحية الأعتقال والمعاملة الغير لائقة من الأمن وغيرها من الأشياء التى نعلمها كلنا
لذلك فهذا الأعتصام أكثر أمانا لكل الناس ويجب أن تعرف أنها تجربة وبروفة نقوم بها لنرى مدى نجاحها لكى نقوم بغيرها بطريقة أقوى وأنا أعلم أن الكثيرين يرون أنه أعتصام جبان ولكنى أرى أنه أكثر أمانا وأكثر قدرة على توصيل فكرتنا وعلى تجميعنا عل فكرة واحدة
وأنا فى أنتظار تعليقك فى أى وقت

أمــانــى said...

ان شاء الله ححاول
وبعد اذنك انا ححاول اطبع الموضوع واعرض الفكرة على الرغم انى متاكدة انهم لن احد يفكر حتى فى القراءة
تحياتى لحضرتك

كرم مسلم said...

السلام عليكم

أكرر لك كلامى مرة أخرى

فنحن مهما قدمنا من اقتراحات ونحن بعدين عن كتاب الله عز وجل وعن هدى المصطفى صلى الله عليه وسلم فلن تكون هناك نتيجة وسيستمر الأمر على ما هو عليه أن لم يتحول الى الأسؤ

ولكن أن اقتربنا الى كتاب ربنا وهدى المصطفى صلى الله عليه وسلم وحولنا اسلامنا الى منهج عملى على أرض الواقع عندها نكون أهلا لأن يغير الله الحال ألى أفضل حال
أسال الله أن يهدى الجميع ويغير الحال ألى خير حال اللهم امين


هذا هو ما أحببتت أن انبه عليه فأنا لست ضد أى فكرة ما دامت لا تخالف شريعتنا ولكننى أحب أن نسلك أقصر الطرق وهو الالتزام بدين الله
عندها سيجعل الله منا من يغير الحال وليس كما فهمت انت أن نقف مكتوفى الأيدى ونقول أن الله سوف يأخذ لنا حقنا
ولكن علينا الأخذ بالأسباب

وأحب أوضح أن انا فى بداية تعليقى السابق قلت أنا هنا مش بعلق على الفكرة
وأكملت وجهة نظرى فلست مؤيدا ولا معارضا للفكرة
أنما أحببت أن الفت النظر لطريقة أسهل
وجزاك الله خيرا

shahy said...

السلام عليكم

انا هاعلق العلم ان شاء الله

مع اني مقتنعة ان مفيش فايدة

وربنا معنا

خليك فى البيت said...

أمانى

سعدت جدا بزيارتك وحماسك للمشاركة فى الحملة وبالطبع أنا لا أمانع فى طبع الموضوع ونشرة قدر الأمكان

خليك فى البيت said...

كرم مسلم

أشكرك على تعليقك للمرة الثانية وصدقنى أنا لم أقصد من كلامى أنى أتهمك أنك تقول لنا أن نقف مكتوفى الأيدى وأن الله سوف يأخذ لنا حقنا
أنا لم أقصد هذا
ووجهه نظرك أنا فهماها جيدا ولكنى كنت أطرح عليك هذا السؤال وأعرض وجهة نظرى لكى أعرف رأيك وننتاقش أكثر
وعلى العموم وجهة نظرك لها كل الأحترام وفى أنتظار المزيد من التعليقات

خليك فى البيت said...

shahy

شكرا على مشاركتك حتى لو كانت على غير أقتناع فهذا الشىء لم يكلفنا شىء وهى تجربة ونتمنى أن تنجح

قومى الى الابد said...

الفكرة رئعة جدا وانا اؤيدها ولكن لمذا لا نتجه الى الشارع فى اضراب واسع المد رافعين صورة جمال عبدلناصر الى جوار علم مصر تعبيرا عما يدور بداخلنا تجاه هذا الرجل مؤسس تلك الثورة

high_staff said...

اوكى انا معاكم بس عايزة اقول ان احنا عملتاها قيل كدة يوم ما حطينا العلم فى البلكونات وطفينا النور كلنا عملنا اية؟ دة علاوة على انة يوم اجازة واصلا حكاية القعاد قى البيت دى بتريحهم قوى ما هما محتلين الشوارع بيلطشوا فى البشر عشان مش عايزين الناس فى الشوارع من اصلة ياريت ندور على افكار توجعهم اكتر من كدة بس اوكى معاكم

mariamagdolen new said...

انا معاك

خليك فى البيت said...

قومى الى الأبد

سعداء جدا بترحيبك بالفكرة ونحن الآن نريد أن ننفذ فكرة أكثر أمانا لكل الناس
وبالتأكيد بعد ذلك سوف تكون هناك أفكار أكثر
تحياتى لك

خليك فى البيت said...

high_staff

نرحب بيكى وبترحيبك للفكرة
وأن شاء الله هاتكون فيه أفكار كثيرة بعد هذه الفكرة
تحياتى

خليك فى البيت said...

mariamagdolen new

سعداء أنك معنا وياريت تنشر الفكرة قدر الأمكان

Anonymous said...

أولا أحب ابدأ انى متعاطفة جدا مع كفاية لكن أحب أقولكم ان دة بداية التهاية. يعنى أنا مسمعتش عن الموضوع ده إلا لما علقوا عليه من شويه باستنكار فى القاهرة اليوم "مين ده اللى يقدر يقعد المصريين فى البيت؟" وبصراحة أنا نفسى حسيت انكم فى السحاب مع انى فى وقت من الأوقات كنت أكبر المتحمسين لكم. يعنى يا جماعة العصيان المدنى ده محتاج ملايين ما ينفعش يتلم 200 واحد بتوع كل مرة ويعملوا عصيان مدنى. اللى يكلم يكلم على اده وبناء على حجمه الحقيقى فى الشارع وإلا حيبعد الناس عنه اكتر.أنا لو ماشية فى الشارع ولقيت 100-200 واحد ملمومين فى الشارع وسألت مين دول فقالولى دول كفاية عاملين عصيان مدنى حاقول "احنا ناقصين .. بلا خيبة هى دى بقى النخبة.. من صدق عايشين فى برج عاجى وهبل لو يصدقوا ان اى حد من عامة الشعب ممكن يستجيب لكم". عموما تمنياتى بالتوفيق

خليك فى البيت said...

doudou

أولا أرحب برأيك جدا
بس فيه فكرة لازم أوصلها وهى أن فكرة العصيان المدنى مش فكرة حزب الكرامة دى فكرة مجموعة شباب وحزب الكرامة تبناها وفيه أحزاب كتير أيدت الفكرة يعنى الفكرة مش فكرة مجموعة صغيرة لا الفكرة كبيرة وفيه ناس كتير تعرفها
ولو تابعتى أعداد جريدة الكرامة هاتلاقى ردود الأفعال على الحملة وهاتلاقى أن ناس كتير أيدت الفكرة
وهاتلاقى لينك الجريدة فى الصفحة الرئيسية
تحياتى لكى

mo'men mohamed said...

الفكرة كويسة
ويا ريت تطبق بحكمة
السلام عليكم

خليك فى البيت said...

moamen mohamed

سعداء بمشاركتك وبأعجابك بالفكرة وياريت تنشرها قدر الأمكان
تحياتى لك

حسن ارابيسك said...

فكرة العلم جيدة
انما اختيار اليوم وهو بالطبع يوم أجازة من وجهة نظري ليست بالجيدة
لكن اختيار يوم بديل له يوم عمل
وذلك لسباب كثيرة تعلمها اكيد وتعلم نتائجها
عموماً مستصغر الشرر ده هو أهم ما في الموضوع
لذلك أنا لم أذهب بعيداً وكانت كلماتي مشاركة بسيطة مني في مدونتي المتواضعة

أتمنى تشريفك لي في مدونتي

هاتنور بزيارتك ليها

ودعوة أخرى لزيارة مدونة شاعر تستحق الزيارة

http://mosaiiic.blogspot.com/

خليك فى البيت said...

حسن أرابيسك

سعداء بزيارتك وبعرضك لوجهه نظرك ونتمى أن تنجح الفكرة التى سوف يليها أفكار أخرى
تحياتى لك

أحمد الناصر said...

انا راْيى ان احنا قعدنا كتير فى البيت والشعارات تعمل ايه لناس ودن من طين وودن عجين واذا كنا بنراهن على احتجاج صامت فاحنا كده كده صامتين
انا قلت راييى المتواضع وخلصت زمتى

Anonymous said...

والواحد يشتري علم مصر منين؟

صاحب البوابــة said...

اعتذر عن التحليق خارج السرب

لكنني أريد رأيكم للأهمية في آخر موضوع لي

بعنوان

شكــر وإعتــذار

تحياتي

يساري مصري said...

نشرت على مدونتي عن اهمية المشاركه و بعض التفاصيل
& crated event on face book لكل النشطاء السياسين المصرين

خليك فى البيت said...

أحمد عبدالناصر

الأختلاف فى الرأى لا يفسد للود قضية
ولكن أنت تعلم كل ما يحدث للناس عندما يخرجون فى مظاهرات أو أعتصامات فى الشارع لذلك جاءت هذه الفكرة لتكون أكثر أمانا وهى ليست الأخيرة ولكن هى بداية
خالص تحياتنا لك

خليك فى البيت said...

علاء

كنا نتمنى معرفة رأيك فى هذا الموضوع
خالص تحياتنا لك

خليك فى البيت said...

anonymous

الحكاية بسيطة وحتى لو مالاقتش مكان بيبع الأعلام ممكن تجيب قطعة قماش وترسم عليها علم وتلونها
وأكيد جمب أى أستاد ممكن تلاقى أماكن بتبيع الحاجات دى علشان المباريات
خالص تحياتنا لك

خليك فى البيت said...

صاحب البوابة

كنا نتمنى معرفة رأيك
خالص تحياتنا لك

خليك فى البيت said...

يسارى مصرى

نشكرك على سرعة أستجابتك
ونشر الفكرة
خالص تحياتنا لك

david santos said...

الشكر لك العمل وعلى درجة جيدة في عطلة نهاية الاسبوع

Unknown said...

و الله فكرة زكية أوى
بس لو كنت دخلت المدونة دى أمبارح ما كنتش خرجت أنهاردة بأة و خلتنى فى البيت ده أنا حتى بحب اليوم ده عشان بيجيبوا أغانى كتيرة وطنية لعبد الحليم

بس خرجت و لسه راجعة

kafrawy said...

انا عندى فرح يوم 23 ولازم اروح اتغدى
و حركات

بس انا ............مش معاهم